Capitano avisa ó comezar, chegan os invasores, pero haberá resistencia.

Arlequino pensa máis no amor que na guerra, pero non queda outra.

Máis a vila non parece funcionar sen a persoa que verdadeiramente organiza á xente, Francesquina. Ela será a encargada de asegurarse que os plans saian ben.

Fronte a eles, Pulchinela e a Señora. Os bárbaros invasores que farán o que mellor saben facer: bombardear sen descanso e impoñer a súa cultura.

O que non agardan é que unha pequena vila resista ante o inmenso poder militar que a asedia.

A guerra é un negocio pero o diñeiro non asegurará a vitoria.